解難營業所係一個免費嘅問題配對平台。
我哋唔係顧問公司，唔係律師行，唔係心理診所。我哋係一班做開中介、見過太多人困住、搵唔到 right person 嘅人，自己出嚟做件事。
20年以上，做solutions provider，做各類中介——見過太多問題唔係唔可以解決，係搵唔到路。我哋想做嗰條路。
我哋團隊長期活躍於商場、零售、地產、貿易等行業，做過各類中介角色。多年接觸唔同行業嘅 SME 老闆、普通家庭、外籍人士，見過各種各樣嘅困境。
呢一切積累出嚟嘅，係一個廣闊嘅網絡——律師、社工、財務顧問、業主、行業顧問、心理輔導、移民專家——每一個都係真實嘅人，有真實嘅能力。
我哋做嘅唔係提供答案，係幫你搵到可以真正幫到你嘅人。
商業管理 · 零售顧問 · 地產女傭牌照等等中介 · 貿易業務 · SME 諮詢等
服務過：本地 SME、外資企業、外傭僱主家庭、新移民、退休人士、對前路迷惘年青人、家庭主婦、初創老闆等
做咗咁多年中介，我哋最深嘅感受係：好多問題其實唔難解決，難嘅係「唔知搵邊個」。
一個人遇到法律問題，唔知律師費幾多，唔敢問。一個老闆遇到員工糾紛，唔知係勞工法例定係人際問題。一個家庭遇到外傭問題，唔知去邊投訴。
我哋係 solution provider，唔係服務提供者。我哋唔賣服務，我哋幫你搵人。
求助嘅人唔應該再多一層壓力。所以對你嚟講，解難營業所永遠係免費嘅。
我哋嘅收入模式係：當我哋成功為你配對一個合適嘅 partner，對方會支付一個 referral fee 比我哋。你唔需要支付任何費用，亦唔會因此影響你獲得嘅服務質素。
用戶端：完全免費，無任何隱藏收費。
Partner 端：成功配對後支付 referral fee，金額事先協議，透明公開。
我哋相信清晰嘅邊界係負責任嘅表現。以下情況，請直接聯絡相關專業機構。
我哋唔係律師，唔能代你出庭或提供法律意見。如需法律協助，我哋可轉介法援或律師。
我哋唔係心理醫生或輔導員。如你正在經歷情緒困擾，請聯絡專業心理健康服務。
我哋唔係急救或危機介入服務。緊急情況請即撥 999。
以下係我哋 network 相對成熟、有信心轉介嘅範疇。
| 範疇 | 可以幫到你嘅事 |
|---|---|
| 商業 / SME | 供應商糾紛、合約問題、業務拓展、合作夥伴配對 |
| 法律轉介 | 民事糾紛、勞資關係、法援申請指引、律師配對 |
| 外傭 / 勞工 | 外傭僱傭問題、勞工投訴、僱主權益、中介糾紛 |
| 家庭事宜 | 親子困境、老人護理安排、家庭矛盾轉介 |
| 財務安排 | 債務問題指引、財務顧問配對、保險糾紛 |
| 心理健康 | 情緒支援資源轉介、輔導員配對（網絡仍在建立中） |
| 移民 / 簽證 | 香港本地居留、外籍人士法律身份問題（網絡仍在建立中） |